Jodler-Doppelquartett Bärgfründe Thun

Wie doch Zyt vergit...

Scho isch ds Früehligskonzärt vo de Thuner Verbandsjodlerklubs gschicht. 
Ä wunderschönä Abe vougschtopft mit schöne Jodulieder, Naturjütz, Trychlekläng u Örgelimusig!

Merci viu mau für öiä Bsuech!

Mir wünschä ä schönä Früehlig u hoffentlech bis gli, is amenä nächste Konzärt vo üs.

Öies Jodlerdoppelquarett Bärgfründe, Thun

Jodle - das isch nüt für mi!

Bisch de ganz sicher? 

Im Jodlerklub singe, bedütet nid geng jodle. Die meischte Sängerinne u Sänger singe i de Lieder d Strophene mit de Wort. Im Jodu oder Jutz, tüe nume es paar wenegi höchi Stimme jutze oder jodle. Die andere singe aui im Chor ä Begleitstimm.

U allini bisch nie! Es singe geng es paari zäme. 

1. Tenor, höchsti Stimm
2. Tenor                        
1. Bass                         
2. Bass, tüfschti Stimm

D Lieder si meischtens Bärndütsch.

Das wär doch öpis für Di!

Mir fröiä üs uf die Bsuech are Prob, am Mendig am Abe am 8ti im Chrüz z`Aumedinge.

Nach de 10ne nämemer no zäme e Schluck.

Bis gli, mir fröiä üs uf Di!

Ds Jodler-Doppuquartett Bärgfründe Thun