Jodler-Doppelquartett Bärgfründe Thun

Still ischs worde rings um d Hütte. D Glogge ghörsch nur no im Tal. Was dr ds Bärgli no cha biete isch ä Pracht im Sunnestrahl.Sinds im Summer all die Blueme wo üs d Weid zum Garte macht.Darfsch im herbscht kei Tag versume, farbig ischs no wi dy Tracht.

D Bärgfünde wünsche öich schöni Herbschttage und  bis im November a üsem Konzert. 

Jodle - das isch nüt für mi!

Bisch de ganz sicher? 

Im Jodlerklub singe, bedütet nid geng jodle. Die meischte Sängerinne u Sänger singe i de Lieder d Strophene mit de Wort. Im Jodu oder Jutz, tüe nume es paar wenegi höchi Stimme jutze oder jodle. Die andere singe aui im Chor ä Begleitstimm.

U allini bisch nie! Es singe geng es paari zäme. 

1. Tenor, höchsti Stimm
2. Tenor                        
1. Bass                         
2. Bass, tüfschti Stimm

D Lieder si meischtens Bärndütsch.

Das wär doch öpis für Di!

Mir fröiä üs uf die Bsuech are Prob, am Mendig am Abe am 8ti im Chrüz z`Aumedinge.

Wede Inträsse hesch, verbi z cho, informier Du di hurti bi üsere Präsidentin, Cécile Berger, ob mir probe oder nid.

Nach de 10ne nämemer no zäme e Schluck.

Bis gli, mir fröiä üs uf Di!

Ds Jodler-Doppuquartett Bärgfründe Thun